बिग बॉस मराठीचा 5 वा सीझन (big boss marathi season 5) हा शो गाजवणाऱ्या स्पर्धकांमध्ये जान्हवी किल्लेकरचं (Janhavi Killekar) नाव अग्रस्थानी आहे. बिग बॉस मराठी मध्ये तिच्या वागण्यामुळे चर्चेत असलेली जान्हवी किल्लेकर ग्रँड फिनालेमध्येही भाव खाऊन गेली. सुपर 6 मध्ये असलेली जान्हवी ग्रँड फिनालेमध्ये सर्वात पहिले बाहेर पडली.
View this post on Instagram
बिग बॉसच्या घराबाहेर आल्यावर जान्हवी सोशल मीडियावर खूपच ॲक्टिव्ह आहे. तिच्या अकाऊंटवर विविध पोस्ट, व्हिडीओ टाकत असते. त्यातच आता तिने शेअर केलेल्या एका नव्या व्हिडीओची खूप चर्चा आहे. बिग बॉसमध्ये टास्क क्वीन म्हणून प्रसिद्ध असलेली जान्हवी, या व्हिडीओमध्ये शाहरूख काजोलच्या ‘ दिलवाले दुल्हनिया ले जाएंगे’ चित्रपटातील ‘जरा सा झूम लूं मैं’ या गाण्यावर नृत्य करताना दिसत आहे. गुलाबी साडी आणि काळ्या रंगाचा स्लीव्हलेस ब्लाऊज घातलेल्या जान्हवीने या गाण्यावर ठेका धरत संदुर नृत्य केलंय. तिचा हा डान्स व्हिडीओ सध्या चांगलाच व्हायरल झाला आहे.