मानवत / प्रतिनिधी – स्थानिक गुन्हे शाखेने गोपनीय माहिती काढून मानवत तालुक्यातील केकर जवळा येथे पेट्रोलींग करीत असताना एक पांढर्या रंगाचे बोलेरो पिकअप वाहन पकडले. त्यामध्ये दारूचे बॉक्स टाकून वाहन पोखर्णी-पाथरी रोडने मंगरूळच्या दिशेने रामेटाकळीकडे येत होते. मिळालेल्या माहितीवरून रामेटाकळी फाटा येथे जाऊन पथकाने चालकास गाडीस थांबण्याचा इशारा केला असता तो न थांबता भरधाव वेगाने सुसाटपणे चालवत निघून गेला. पथकाने त्याचा लागलीच पाठलाग करायला सुरूवात केली. त्यास शेवटी रामपुरी शिवारात सुनील त्र्यंबकराव यादव यांच्या शेताजवळ सार्वजनिक रोडवर रामपुरी बु. येथे थांबवून आरोपी शुभम जयराम लहाणे (वय 22 वर्षे, रा. साखला प्लाट, परभणी), गणपत माधवराव काळे (वय 37 वर्षे,रा. टाकळी कुभकर्ण, ता. जि. परभणी) यांना ताब्यात घेतले. त्यांच्या ताब्यातून 1 लाख 88 हजार 65 रुपयांची देशी व विदेशी दारू, 2 मोबाईल व वाहन असा एकूण 7 लाख 1 हजार 65 रूपयांचा मुद्देमाल ताब्यात घेऊन मानवत पोलीस ठाणे येथे हजर केले. आरोपींनी हा मुद्देमाल विनापरवाना बेकायदेशीररित्या चोरटी विक्री करण्याकरिता ताब्यात बाळगून वाहतूक करताना वाहन क्रमांक एमएच22A एएन 4265 मध्ये वाहतूक करीत असताना मिळून आले. तसेच वाहनाचा चालक शुभम लहाने याने त्याच्या ताब्यातील पिकअप वाहन हे इतर आरोपींच्या सांगण्यावरून भरधाव वेगात व निष्काळजीपणे चालवून इतरांच्या जीवितास धोका होईल असे चालवले म्हणून मानवत पोलीस ठाण्यात कलम 281 बी.एन.एस. 2023,65 (A), (श) म. दा. का. प्रमाणे गुन्हा दाखल करण्यात आला आहे.
पोलीस अधीक्षक रविंद्रसिंह परदेशी यांच्या मार्गदर्शनाखाली व अप्पर पोलीस अधीक्षक यशवंत काळे यांच्या नेतृत्वात स्था.गु.शा.चे पो.नि. विवेकानंद पाटील, स.पो.नि.संदीप बोरकर,पोउपनि गोपीनाथ वाघमारे व पोलीस अंमलदार विलास सातपुते, विष्णू चव्हाण, मधुकर ढवळे, संजय घुगेने.स्था.गु.शा. व गणेश कौटकरे (सायबर सेल) यांनी मिळून ही कारवाई केली. यातील एकास पोलिसांनी ताब्यात घेतले असून निशांत भैय्यालाल जयस्वाल हा आरोपी घटनास्थळावरून पळून जाण्यात यशस्वी ठरला.